Today THE STAR brings back the hugely popular Mus Buss column. In this weekly song review feature, three musical minds with different tastes will analyse each song and will grade it on vocal ability, lyrics, musical arrangement and appeal. Songs that make the grade will be dubbed 'Mus Buss', while songs that flop will be dumped in the 'Caan Buss' bin.

The three reviewers welcome feedback from the artistes and the public about the column. Send your comments to bussdem@hotmail.com or mail in your songs to 'Mus Buss' at the Gleaner Company, 7 North Street, Kingston. This week the muss buss/caan buss team will be reviewing Empress and Erup's 'Wonder Why'

Witch: "God know seh a laaaang time Empress a try buss. Unnu remember on har show every two second she find excuse to sing."

X Factor: "A true."

Lady Boo: "Erup caan sing, him just caan sing."

X Factor: "Why him waan do a combination wid Empress, him couldn't find a real artiste?"

Witch: "A true yah, after di hype of 'Click Mi Finga' mi a 'wonder why' him come wid dis?"

X Factor: "Di song sound confusing and all over di place."

Lady Boo: "Why unnu a deal wid har so? She a try. Somebody neva collab wid Erup before him buss?"

X Factor: "Mi nuh know bout dat but da combination yah just sound like sumting dem a try force, mi nah feel no chemistry."

Witch: "Mi nuh know Empress part just sound like some PBS, Seasame Street kinda stop di violence song. It just nuh sound ready."

Lady Boo: "It almost sound like dem record it separately- if mi it hear mi woulda probably switch. Is not suppen mi woulda sit down and listen to unless forced to."

X Factor: "Maybe if Erup did sing his part by himself and Empress by herself but di combination nuh sound good."

Witch: "Boy mi nuh know bout Empress career as an artiste still...she just nuh strike me as all dat creative on her own."

Lady Boo: "In terms of creativity Erup seems to have the same flow all di time, is like him just write and don't think bout di riddim him a write pon."

X Factor: "Him get a one tune and stuck inna di style. Him need fi be more diverse."

Witch: "Unless dis a play as a public service announcement mi nuh see it a buss- sorry Empress try again....or don't....at least she not on air to torment mi again."

Lady Boo: "Mi nuh see dis song a buss but maybe one day she will find a producer dat can mek her do a ting."

X Factor: "No can do."

Taken from the Weekend Star, Friday May 2, 2008.