So Foxy Brown has taken a trip to Jamaica and oh the entertainers were licking their lips like ice cream deh pon dem. Understand that when she turn up at the North coast it wasn't a Benz that took her or a Lexus that would be a Sham.
Querying CeCile's sexiness
So mi chile wat a piece a libaty. Smaddy see CeCile sexy nuh chicken and go ask har if a silicone she ave up inna her breast. Lord ave mercy she pepper di one weh seh so yu see. For, massa CeCile mek dem know seh she come from good genes and har body ready from long time.
Bounty's
browning
So all eyes is on Bounty Killer for dat browning is said to be one in a million.
Mr. Lex's
transport
People a talk seh is full time Mr. Lex buy a Lexus for everytime dem see him is a jeep him a cum outa like Reneto Adams. Yes mi chile but while dem a chat surprise deh fi meet dem for Mr. Lex has something in store for dem.
Advice for Elephant
Den massa people seh Elephant Man fi watch di hype outta Devon House corner for corpie deh deh a dodge and a wait. Yes mi chile, people seh Elephant Man fi memba seh wen corpie hold him not a sound box him can jump offa again.
Mega's big
So Mega Banton get so big dem send first class ticket fi him. Yes mi chile Montel hear seh it will be bashment and massa the catty who will enjoy all a dat is yet to be known.
Travelling Marc
So Marc Johnson seems to be flying here there and everywhere. One week he is in New York, another week in St. Vincent, and now people seh him mussa soon gone a Mexico. Mi chile dem seh embassy soon tired fi see him face.
Stevie suit
So Stevie Face bex so till seh him $50,000 suit him wear go a di Luther Vandross almost get lost. Yes a chile wat a hell if him couldn't find it. Dat time girl well put it away as safe as ever.
Determine's
long wait
Wat di dic-kance Determine up to. Yes massa for people a seh him do one piece kass kass tune and producer nuh waan fi let it go. Yes mi chile, Determine waan fi know weh producer up to. For a not him one a complain.
Alkatraz's tune
So Alka-traz caan tek bus again for people seh mind corpie ketch him for him bust out one pieca tune bout corpie eh nuh tap ya so. Yes mi chile is pure screwface a galang.
