The return of Saba Yes mi chile, just when people a chat seh, weh Saba deh, Massa him just drop inna studio wid him big talk, lawd, prosperity. Mi chile, people start to look left right and centre because Saba deck out in him red shades fi match him car weh tint red. What's for lunch? So Sean Paul a feed him face. Yes mi chile, one big box food. Den Massa people a peep inna di box a wanda if a vegetable or a chicken. And Sean Paul a look pon dem like puss. Schoolgirl crush So schoolgirl decide fi track down Zumjay. Yes Masa, she cut out Zumjay picture and a ask weh di DJ live. But people seh Zumjay a hide from har because she nuh mean di DJ no good. Premature Spice So DJ Spice is getting hype. Yes mi chile, Montel hear seh she a mek big chat. And massa Spice not even get a number one tune yet. People a chat seh a mussa di two trophy fly up inna har head. Yes, people a seh it look like Spice get a slice a Serial Kid. Fender in a sweat Few days left fi big show and Chuck Fender a sweat like hog. Yes mi chile, money is bwiling down to gravy and everybody him talk to waan money up to di security. Who's the number one? Den Massa, what a autoclapse. One phone call and one company overseas order 400 tunes fi Stevie Face. Yes Massa, a wah so? People a chat seh is either him or Glen Washington a go fi di number one. Bruk-Up trying to bruk-in Mi chile dancer Bruk-Up, deh a farin seh him a duh album wid Shabba Ranks. Yes mi chile, den Massa people deh a yard a ask how Bruk-Up nuh reach ya yet for dem well waan money. PJ suss Oh! Prime Minister Patterson surely giving Jamaicans abroad much to talk about. Yes mi chile, what's more in France! Dats where it's at. Two lovers Den Massa plenty people a have running belly fi Lady Saw and John John because dem a live sweet like bessy. Mi chile nothing can tear these two lovers apart for Lady Saw hortical and she know how fi treat a good man.
|
