Wat a piece a liberty to the highest degree, for mi chile it stink in di studio dat wen Saba trash out inna him white suit him white-wash him shoes too and wen him inna him shocking green suit di shoes get little a di green too. Yes mi chile and if yu eva see di type a people who a grin and bear it.
Pregnant?
Den mi chile a which entertainer a talk seh him girlfriend mussa pregnant for him wake up and lizard drop pon him. Now, now Montel hear seh big time entertainer woulda wish dat deh girl pregnant for she just a walk an a fling it deh so.
Minister get bun
So big time Minister's wife is giving hussy various buns right round Easter corner. The security guards at the apartment are laughing their heads off when Minister's wife passes with the young blood to plant up her land. Yes, Minister is working so hard these days he doesn't even notice. Well, hear dis. Montel seh Minister if yu waan fi ketch wifie drive on through Hope Road. And if yu catch di two nuh bother pop nuh fight.
Buju has her back
So Buju did tell smaddy seh like how she did back him up him waan fi back har up too. No, no slackniss is involved so nuh bother spread nothing. Massa, Buju nuh mean nothing so get dat straight.
No more slackness
Lady G is telling di man dem who want har change she naw go spread out and grab up har crotch for it naw drop down. Yes mi chile Montel hear seh sombody whisper tell Lady G seh galang bad di odda time she go pon show but she naw go dweet.
Money ruption
A wha Beenie Man decide fi gi $50,000 and it almost cause ruption. Yes mi chile Montel hear seh wen Beenie open him mout smaddy seh no Beenie yu caan gi weh yu money so. But Beenie, the Grammy kid seh is fi him money and dem betta learn dat.
Puffed up with pride
Lord Massa eva hear di saying, 'fowl see dem.... (yu know what) and tink seh a egg? Well dat's wat dem seh happening to Stevie Face since him song go inna di top ten. Him start walk different like wen fowl want to lay. Him wi soon need interpreter.
Make the pass now
Well di girl who has her eyes on Bounty Killer for the longest while can smile. Now dat she heard di Killer is not wat she tinks he is. Now for six years Queenie just wanted to be with the Killer but she fraid a him. Now she hear Bounty is a bit shy. Montel hear she can now make her pass at him.
Broad-backed Yasus
So Yasus seh some of those who hit out at homosexuality are no different from the men at 42nd street in New York. Yes mi chile Yasus a saul dem. Yes mi chile Yasus seh some entertainer uncertain about their sexuality. Wat a syrup inna di blender. Yasus back really broad.
